काठमाडौँ। भारतको एक अदालतले तातो हावाको लहरलाई लिएर राष्ट्रिय सङ्कटकाल घोषणा गर्न आग्रह गरेको छ । अन्तर्राष्ट्रिय समाचार संस्था एएफपीका अनुसार राजस्थान उच्च अदालतले चरम मौसमी समस्या र गर्मीका कारण मानिसहरूको ज्यान गइरहेको भन्दै राष्ट्रिय सङ्कटकाल घोषणा गर्न सरकारलाई आग्रह गरेको हो ।
भारतका थुप्रै शहरहरूमा ४५ डिग्री सेल्सियससभन्दा बढी तापक्रम र उष्ण लहरको समस्या देखिएको छ । पछिल्ला दिनहरूमा देशको पश्चिमी राज्य राजस्थानमा तातो हावाको लहरको प्रभाव बढी देखिएको छ ।
यस्तै अदालतले गर्मीका कारण ज्यान गुमाउने व्यक्तिको आफन्तका लागि क्षतिपूर्ति कोष स्थापना गर्न पनि राज्य सरकारलाई निर्देशन दिएको खबरमा उल्लेख छ ।
विश्वको सबैभन्दा धेरै जनसङ्ख्या भएको देश भारत हरित गृह ग्याँसहरूको तेस्रो सबैभन्दा ठूलो उत्सर्जक हो । तर सन् २०७० सम्ममा शुद्ध शून्य उत्सर्जन अर्थव्यवस्था हासिल गर्न प्रतिबद्ध रहेको भारत अहिलेका लागि बिजुली उत्पादन गर्न कोइलामा अत्यधिक निर्भर छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया