सान फ्रान्सिस्को । फोलोरिन बालोगुन एकै खेलमा हिरो र भिलेन दुवै बने पनि विश्वकप २०२६ को सह-आयोजक अमेरिकाले बोस्निया एन्ड हर्जगोभिनालाई हराउँदै अन्तिम १६ मा प्रवेश गरेको छ ।
सान फ्रान्सिस्को बे एरिया स्टेडियममा भएको खेलमा अमेरिका २-० गोलले विजयी बनेको हो ।
पहिलो हाफको अन्तिमा समयमा फोलोरिन बालोगुनले गोल गर्दै टोलीलाई दिलाएका थिए । मलिक टिलम्यानले बालोगुनलाई बक्सको दायाँतर्फ पास उपलब्ध गराएका थिए । बालोगुनले त्यसलाई गोलरक्षक निकोला भासिलीको मुनिबाट प्रहार गर्दै गोलमा परिणत गरे । प्रतियोगितामा उनको यो तेस्रो गोल थियो।
तर, गोल गरेर हिरो बनेका बालोगुन दोस्रो हाफमा भिलेन बने । ६४ औँ मिनेटमा बोस्नियाका डिफेन्डर तारिक मुहारेमोविचलाई फल हानेपछि उनले रातो कार्ड पाए । यो विश्वकपमा १२ औँ रातो कार्ड थियो जुन सन् २०२२ को कतार विश्वकपभन्दा तीन गुणा बढी हो ।
१० खेलाडीमा सीमित बनेको अमेरिकाका लागि मलिक टिलम्यानले ८२ औँ मिनेटमा गोल गर्दै टोलीको जित सुनिश्चित गरे । सन् २००२ पछि अमेरिकाले नकआउट खेल जितेको यो पहिलो अवसर हो ।
अब टोलीले अन्तिम १६ मा बेल्जियमको सामना गर्नेछ । प्रशिक्षक मौरिसियो पोचेटिनोको नेतृत्वमा रहेको ऊर्जावान् अमेरिकी टोली समूह ‘डी’ को विजेता बन्दै यहाँसम्म आइपुगेको थियो ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया