काठमाडौँ । अमेरिकी राष्ट्रपति डोनाल्ड ट्रम्पले आज राति ‘एउटा सभ्यता ध्वस्त हुनेछ’ भनी धम्कीपूर्ण बयान दिएपछि इरानको इस्लामिक रिभोलुसनरी गार्ड कोर (आईआरजीसी) ले कडा प्रतिक्रिया जनाएको छ ।
आईआरजीसीले सरकारी सञ्चारमाध्यममार्फत जारी गरेको संयुक्त वक्तव्यमा अमेरिका र यसका क्षेत्रीय सहयोगीहरूविरुद्ध अहिलेसम्म निकै संयम देखाएको र बदला लिन लक्ष्य छनोटमा सावधानी अपनाएको बताएको छ ।
राष्ट्रपति ट्रम्पको बयानमा अमेरिकालाई चेतावनी दिँदै आईआरजीसीले अमेरिकी सेनाले आफ्नो सीमा नाघे उनीहरूको प्रतिक्रिया यस क्षेत्रभन्दा पनि बाहिरसम्म पुग्ने चेतावनी दिएको छ । अमेरिका र यसका सहयोगीहरूको पूर्वाधारलाई निशाना बनाउने र वर्षौंसम्म तेल ग्यासको आपूर्ति अवरुद्ध गर्न सक्ने उनीहरूले स्पष्ट पारेका छन् ।
अमेरिकाले पहिल्यै इरानका धेरै ठेगानाहरूलाई निशाना बनाएको छ । यसमा खार्ग टापु, पुल, विद्युत् ऊर्जा केन्द्र र अन्य महत्त्वपूर्ण स्थानहरू समावेश छन् ।
आईआरजीसीका अतिरिक्त, दक्षिण अफ्रिकास्थित इरानी दूतावासले पनि ट्रम्पको धम्कीमा कडा प्रतिक्रिया व्यक्त गरेका छन् । इरानले अमेरिका र यसका सहयोगीहरूले इरानको प्राचीन सभ्यताबाट यस्तो जवाफ पाउने र जसलाई उनीहरूले कहिल्यै बिर्सन नसक्ने भनेका छन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया