काठमाडौं । चीनले म्यानमारको सीमावर्ती क्षेत्रमा अनलाइन ठगी (स्क्याम) र आपराधिक साम्राज्य चलाउने कुख्यात माफिया परिवारका ११ सदस्यलाई मृत्युदण्ड दिएको छ।
झेजियाङ प्रान्तको अदालतले सेप्टेम्बरमा मिंग परिवारका सदस्यहरूलाई हत्या, अवैध नजरबन्द, ठगी र जुवा घर सञ्चालन जस्ता विभिन्न अपराधमा दोषी ठहर गर्दै सजाय सुनाएको थियो।
चीनको सर्वोच्च अदालतले प्रमाणहरू पर्याप्त र निर्णायक रहेको भन्दै मृत्युदण्डको फैसलालाई अन्तिम रूप दिएको हो।
दक्षिण-पूर्वी एशियामा बढ्दो साइबर अपराध र मानव तस्करी विरुद्ध चीनले चालेको यो अहिलेसम्मकै कडा कदम मानिएको छ। स्क्याम सेन्टरहरूमा तस्करी गरी ल्याइएका मानिसहरूलाई बन्धक बनाएर विश्वभरका मानिसहरूलाई ठग्न प्रयोग गरिन्छ।
हालैका महिनाहरूमा चीनले म्यानमार र अन्य छिमेकी देशहरूसँग मिलेर हजारौँ यस्ता अपराधीहरूलाई पक्राउ गरी चीन फिर्ता ल्याएको छ।बीबीसी
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया