मुम्बई । आजदेखि विमेन्स प्रिमियर लिग (डब्लूपीएल) को नयाँ सिजन सुरु हुँदैछ। प्रतियोगिताको पहिलो खेल २ पटकको च्याम्पियन मुम्बई इन्डियन्स र २०२४ को विजेता रोयल च्यालेन्जर्स बेंगलुरु (आरसीबी) बिच साँझ ७:४५ बजे डीवाई पाटिल स्टेडियममा हुनेछ।
यस खेलमा महिला विश्वकप जित्ने भारतीय टोलीका ७ जना खेलाडीहरू मैदानमा देखिनेछन्। जसमा भारतीय कप्तान हरमनप्रीत कौर र उपकप्तान स्मृति मन्धानाले एक-अर्काविरुद्ध आ-आफ्नो टोलीको कप्तानी सम्हाल्नेछन्।
यी दुईबाहेक विकेटकिपर ऋचा घोष, राधा यादव, अरुन्धती रेड्डी, अमनजोत कौर र क्रान्ति गौड पनि मैदानमा उत्रिनेछन्।
हेड टु हेड
डब्लूपीएलमा मुम्बई र बेंगलुरुबिच अहिलेसम्म कुल ७ खेल भएका छन्। जसमध्ये ४ खेल मुम्बई इन्डियन्सले जितेको छ भने ३ खेलमा रोयल च्यालेन्जर्स बेंगलुरुले जित हासिल गरेको छ।
प्रमुख खेलाडीहरू
सिभर-ब्रन्ट शीर्ष स्कोरर, म्याथ्युजको नाममा सर्वाधिक विकेट
मुम्बईकी न्याटली सिभर-ब्रन्टले सर्वाधिक रन बनाएकी छिन्। उनले २९ खेलमा १०२७ रन बनाएकी छन्। उनको उच्च स्कोर ८० रन हो । त्यस्तै, हेली म्याथ्युजले सर्वाधिक विकेट लिएकी छिन्। उनले २९ खेलमा ४१ विकेट हात पारेकी छन्।
बेंगलुरुबाट मन्धानाको सर्वाधिक रन:
बेंगलुरुको तर्फबाट कप्तान स्मृति मन्धानाले सर्वाधिक रन बनाएकी छिन्। उनले २६ खेलमा ६४६ रन बनाएकी छन्। मन्धानाले १२८.६८ को स्ट्राइक रेटमा रन बनाउने गर्छिन्। त्यस्तै, श्रेयांका पाटिलले आरसीबीका लागि सर्वाधिक विकेट लिएकी छिन्।
आरसीबीलाई पेरीको अभाव खट्किने
मेगा अक्सन अघि रिटेन गरिएकी आरसीबीकी एलिस पेरी व्यक्तिगत कारणले गर्दा यो प्रतियोगिता खेल्न पाउने छैनन्। पेरी टोलीकी शीर्ष रन स्कोरर र चौथो सर्वाधिक विकेट लिने खेलाडी हुन्। उनको स्थानमा टोलीले सयाली साटघरेलाई छानेको छ, तर उनको प्लेइङ-११ मा स्थान बनाउन मुस्किल देखिन्छ।
पिच रिपोर्ट
डीवाई पाटिल स्टेडियमको पिच सामान्यतया ब्याट्सम्यानहरूका लागि सहयोगी मानिन्छ। यहाँ तीव्र गतिका बलरहरूलाई सुरुवाती ओभरमा केही मद्दत मिल्न सक्छ, तर पछि रन बनाउन सजिलो हुन्छ। यस्तो अवस्थामा टस जित्ने टोलीले पहिले बलिङ गर्ने निर्णय गर्न सक्छ।
मौसम रिपोर्ट
नवी मुम्बईको आकाशमा हल्का बादल लाग्ने भए पनि वर्षाको सम्भावना छैन। यहाँ शुक्रबारको अधिकतम तापक्रम ३१ डिग्री सेल्सियस र न्यूनतम तापक्रम १७ डिग्री सेल्सियसको आसपास रहन सक्छ।
सम्भावित प्लेइङ-११
रोयल च्यालेन्जर्स बेंगलुरु: स्मृति मन्धाना (कप्तान), जोर्जिया वोल, गौतमी नायक, ग्रेस ह्यारिस, ऋचा घोष (विकेटकिपर), नदिन डी क्लर्क, पूजा वस्त्रकर, राधा यादव, श्रेयांका पाटिल, अरुन्धती रेड्डी, लरेन बेल।
मुम्बई इन्डियन्स: हरमनप्रीत कौर (कप्तान), न्याट सिभर-ब्रन्ट, हेली म्याथ्युज, अमनजोत कौर, जी कमलिनी (विकेटकिपर), अमिलिया कर, शबनिम इस्माइल, त्रिवेणी वशिष्ट, क्रान्ति गौड, मिली इलिङवर्थ, साइका इशाक।
अहिलेसम्मका च्याम्पियन्स
डब्लूपीएलका अहिलेसम्म ३ सिजन सम्पन्न भइसकेका छन्। जसमा २ पटक मुम्बईले उपाधि जित्यो भने एक पटक बेंगलुरु च्याम्पियन बन्यो। दिल्ली क्यापिटल्स तीनै सिजन फाइनलमा पुगे पनि उपविजेता (रनर-अप) मै सीमित रह्यो।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया