काठमाडौं । सरकारले पहिलोपटक बाँसलाई संरचनात्मक निर्माण सामग्रीका रूपमा वैधानिक मान्यता दिँदै ‘बाँस भवन डिजाइन मार्गदर्शन–२०८२’ स्वीकृत गरेको छ।
उर्जा, सिंचाइ, भौतिक पूर्वाधार तथा यातायात र शहरी विकासमन्त्री कुलमान घिसिङले मार्गदर्शन अनुमोदन गरेसँगै अब बाँस प्रयोग गरी एकदेखि दुई तले आवासीय, साना उद्योग तथा व्यावसायिक भवन बनाउन सकिने भएको छ।
स्टील–कंक्रिट आधारित निर्माण महँगो र पर्यावरणमैत्री नदेखिएको अवस्थामा स्थानीय रूपमा सजिलै उपलब्ध बाँसलाई किफायती र दिगो विकल्पका रूपमा प्रवर्द्धन गर्न मार्गदर्शनले जोड दिएको छ।
मार्गदर्शनमा बाँसको कटानीदेखि ग्रेडिङ, रासायनिक उपचार, भण्डारण र प्रयोगसम्मका मापदण्ड स्पष्ट छन्। भूकम्प–सुरक्षा, वातावरणमैत्री प्रविधि र सरल डिजाइनसहित नमुना नक्सा पनि समावेश गरिएको छ।
शहरी विकास मन्त्रालयले तयार पारेको यो मार्गदर्शन स्थानीय तहमा कार्यान्वयनका लागि परिपत्र गरिने भएको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया