काठमाडौं । बैंकिङ कसुर मुद्दाका एक फरार प्रतिवादीलाई भक्तपुर प्रहरीले पक्राउ गरेको छ। प्रहरीका अनुसार पक्राउ परेकी व्यक्ति सूर्यविनायक नगरपालिका–८, दार्जेलिङ हाइटमा बस्ने ५० वर्षीया कल्पना तामाङ हुन्।
रामेछापको खाँडादेवी गाउँपालिका–७ घर भएकी तामाङ केही समयदेखि फरार रहेको र उनलाई विशेष सूचनाको आधारमा पक्राउ गरिएको प्रहरी परिसर भक्तपुरले जनाएको छ।
हाल तामाङलाई भक्तपुर प्रहरी परिसरमा राखी थप अनुसन्धान भइरहेको प्रहरीले जनाएको छ। प्रहरीका अनुसार उनीमाथि अदालतले जारी गरेको बैंकिङ कसुरसम्बन्धी फैसला कार्यान्वयनका क्रममा कानुनी प्रक्रिया अघि बढाइँदैछ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया