काठमाडौँ। बङ्गालको खाडीमा विकसित चक्रवात ‘मोन्था’ र न्यूनचापीय प्रणालीको प्रभावका कारण पछिल्ला दिनहरूमा देशका अधिकांश भागमा वर्षा र बदली देखिएको थियो। तर मौसमविद् उज्ज्वल उपाध्यायका अनुसार आज साँझदेखि क्रमिक रूपमा मौसममा सुधार सुरु हुने अपेक्षा गरिएको छ।
काठमाडौँलगायत मध्य र पश्चिमका क्षेत्रहरू (बाग्मती, गण्डकी, लुम्बिनी प्रदेश र तराईका सर्लाहीदेखि चितवनसम्मका जिल्लाहरू)मा आज अपराह्नसम्म वर्षा रोकिने र साँझदेखि मौसम खुल्दै जाने उपाध्यायले जानकारी दिए। कोशी पूर्वका जिल्लाहरूमा भोलि बिहानसम्म वर्षा रोकिने र मध्यान्हदेखि मौसम खुल्ने अनुमान गरिएको छ।
आज दिउँसो कोशी, मधेस, वाग्मती, गण्डकी र लुम्बिनी प्रदेशका धेरै स्थानमा मध्यम वर्षा हुने सम्भावना छ। साथै, कर्णाली र सुदूरपश्चिमका पहाडी तथा हिमाली भूभागमा हल्का वर्षा हुने देखिन्छ। केही स्थानमा भारी वर्षा पनि हुन सक्ने सम्भावना छ।
हिमाली क्षेत्रका लागि मौसमविद्ले चेतावनी दिएका छन् कि कोशी, वाग्मती र गण्डकी प्रदेशका उच्च पहाडी तथा हिमाली भूभागमा मध्यम हिमपात हुनसक्नेछ भने केही स्थानमा भारी हिमपातको सम्भावना पनि छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया