काठमाडौँ । गृहमन्त्री ओमप्रकाश अर्यालसँग अमेरिकी राजदूत डिन आर. थम्पसनले बुधबार सिंहदरबारमा भेटवार्ता गरेका छन्। गृहमन्त्री अर्यालको सचिवालयका अनुसार सो भेटमा दुई देशबीचको द्विपक्षीय सम्बन्ध, आपसी सहयोग र समसामयिक विषयहरूबारे व्यापक छलफल भएको थियो।
भेटका क्रममा राजदूत थम्पसनले मुलुकभर शान्ति र सुरक्षा कायम गर्न गृह मन्त्रालय, नेपाल प्रहरी तथा सशस्त्र प्रहरी बलले खेलेको भूमिकाको प्रशंसा गरेका थिए। उनले नेपालमा स्थायित्व र सुशासनका प्रयासमा अमेरिकाको निरन्तर सहयोग रहने प्रतिवद्धता पनि जनाएका थिए।
जवाफमा मन्त्री अर्यालले देशको सुरक्षा अवस्था क्रमशः सुधारोन्मुख रहेको उल्लेख गर्दै शान्ति र कानूनको शासन स्थापनाका लागि सरकार प्रतिबद्ध रहेको बताए। साथै, अमेरिकी राजदूतले एमसीसी परियोजनाको प्रगति र कार्यान्वयन अवस्थाप्रति चासो व्यक्त गरेका थिए भने मन्त्री अर्यालले निर्वाचन आयोगसँग सुरक्षा आवश्यकताका विषयमा निरन्तर परामर्श भइरहेको जानकारी दिएका थिए।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया