चितवन। चितवनको मुग्लिन–नारायणगढ सडकखण्डमा आज बिहान बस र ट्रकसहित ७ वटा सवारीसाधन ठोक्किँदा २० जनाभन्दा बढी घाइते भएका छन्। जिल्ला प्रहरी कार्यालय चितवनका प्रहरी नायब उपरीक्षक रवीन्द्र खनालका अनुसार, दुर्घटना बिहान ७:३० बजे भएको हो।
घटनामा मुग्लिनतर्फ आउँदै गरेको ना८ख ६६२९ नम्बरको ट्रक र विपरीत दिशातर्फ जाँदै गरेको बा४ख ७४२० नम्बरको बस, बसको पछाडि ना७ख ९६०७ नम्बरको टेलर, त्यसपछि बा प्र ०६–००१ ग ०४८४ नम्बरको इलेक्ट्रिक माइक्रो, त्यसपछि ग२ख १६२६ नम्बरको बस, त्यसपछि ना३च ३२५६ नम्बरको बलेरो र पछाडि बिएबी ८४७० नम्बरको कार ठक्कर खाएका छन्।
घाइतेहरूलाई चितवन मेडिकल कलेज, जनता केयर अस्पताल र नेशनल सिटी अस्पतालमा उपचारका लागि लगिएको छ। घाइतेमध्ये १३ जना नेशनल सिटी अस्पतालमा, चार जना चितवन मेडिकल कलेजमा र चार जना जनता केयर अस्पतालमा उपचाररत छन्।
प्रहरीले थप विवरण जुटाउँदै दुर्घटनाको कारण पत्ता लगाउने प्रयास गरिरहेको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया