काठमाडौं । सुनको मूल्यले आज नयाँ रेकर्ड कायम गरेको छ। नेपाल सुनचाँदी व्यवसायी महासंघका अनुसार बिहीबार प्रतितोला सुनको मूल्य २ लाख ५० हजार ९ सय रुपैयाँ पुगेको छ, जुन हालसम्मकै उच्च दर हो।
अघिल्लो दिनको तुलनामा आज सुन प्रतितोला २ हजार रुपैयाँले महँगिएको हो। बुधबार सुन २ लाख ४८ हजार ९ सय रुपैयाँमा कारोबार भएको थियो।
महासंघले दिएको जानकारी अनुसार चाँदीको मूल्य पनि बढेको छ। अघिल्लो दिन प्रतितोला ३२४० रुपैयाँमा कारोबार भएको चाँदी आज ३२७५ रुपैयाँमा पुगेको छ, अर्थात् तोलामा ३५ रुपैयाँ वृद्धि भएको हो।
यसअघि मंगलबार चाँदी ३३२५ रुपैयाँसम्म पुगेको थियो। अन्तर्राष्ट्रिय बजारमा सुन र चाँदी दुवैको मूल्य उच्च बन्दै गएपछि नेपाली बजारमा पनि त्यसको प्रत्यक्ष प्रभाव परेको व्यवसायीहरू बताउँछन्।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया