काठमाडौँ । नेपाल टेलिकमले आफ्नो फोरजी सेवा दुर्गम कर्णाली प्रदेशको हुम्ला जिल्लामा समेत विस्तार गरेको छ ।
टेलिकमले भदौ २५ गते सर्केगाड गाउँपालिका–१ मा टुजी तथा फोरजी सेवा सञ्चालनमा ल्याएको हो। सेवाबाट सर्केगाड गाउँपालिका वडा नं. १, २, ४, ५ र ६ का जीलागाउँ, माझगाउँ, घितागाउँ, नाउलि र लुमका बासिन्दाहरू लाभान्वित भएका छन्।
त्यसैगरी, भदौ २७ गतेबाट हुम्लाको चंखेली गाउँपालिका–६ मा पनि टुजी र फोरजी सेवा सुरु भएको छ। चंखेली गाउँपालिका वडा नं. ४, ५ र ६ का बरैहीगाउँ, सरु गाउँपालिका, देउली, निमिगाउँ र अन्य भूभागका सेवाग्राहीहरू गुणस्तरीय फोरजी सेवाबाट लाभान्वित हुनेछन्।
नेपाल टेलिकमले सदैव दूरदराजका क्षेत्रहरूमा दूरसञ्चार सेवा पुर्याउनलाई उच्च प्राथमिकतामा राख्दै आएको जनाएको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया