जनकपुरधाम । धनुषाको जनकपुरधाम–२० स्थित झण्डा चोकमा शनिबार गणेश पूजाको मूर्ति विसर्जनलाई लिएर हिन्दू र मुस्लिम समुदायबीच झडप भएको छ ।
मूर्ति विसर्जनका क्रममा मुस्लिम बस्ती हुँदै लैजाने विषयमा विवाद उत्पन्न भएपछि दुवै पक्षबीच ढुङ्गामुढा सहितको झडप भएको हो । स्थिति नियन्त्रणमा लिन प्रहरीले चार सेल अश्रुग्यास प्रहार गरेको धनुषाका प्रहरी प्रवक्ता डीएसपी बरुण बहादुर सिंहले जानकारी दिए ।
उनका अनुसार अहिले पनि त्यहाँको वातावरण तनावपूर्ण छ । कुनै अप्रिय घटना रोक्न नेपाल प्रहरी र सशस्त्र प्रहरी बाक्लो मात्रामा परिचालन गरिएको छ । झडपमा घाइतेबारे विवरण भने अहिलेसम्म प्राप्त नभएको प्रहरीले जनाएको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया