काठमाडौं । धादिङको बेनीघाट रोराङ गाउँपालिका–१० बाँदरेमोडस्थित पृथ्वी लोकमार्ग सुक्खा पहिरोका कारण अवरुद्ध भएको छ ।
शनिबार बिहान खसेको पहिरोले सडक दुबै तर्फी रूपमा बन्द भएको हो । अहिले डोजर र सुरक्षा निकायको सहयोगमा पहिरो पन्छाएर सडक सुचारु गर्ने प्रयास भइरहेको प्रहरीले जनाएको छ ।
अस्थायी प्रहरी पोष्ट जवाङखोला, प्रहरी चौकी जोगिमा र इलाका प्रहरी कार्यालय गजुरीबाट खटिएका प्रहरी टोलीले पहिरो हटाउने कार्य अगाडि बढाइरहेका छन् ।
सडक बन्द हुँदा गन्तव्यतर्फ गएका सयौँ सवारीसाधन बाटोमै रोकिएका छन् । यात्रुहरू लामो समयदेखि अलपत्र परेका छन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया