काठमाडौं । राष्ट्रिय स्वतन्त्र पार्टी (रास्वपा)को समानुपातिक सांसद उम्मेदवारको सूचीमा रहेकी कुसुम महर्जनले आफ्नो नाम हटाइदिन निवेदन दिएकी छन् ।
महर्जनले दिएको निवेदनमाथि आज रास्वपाले छलफल गर्दैछ । आज दिउँसो ३ बजे पार्टी कार्यालय बनस्थलीमा बस्ने सचिवालय बैठकमा उनको निवेदनमाथि निर्णय हुनेछ ।
महर्जन यसअघि ०७९ को निर्वाचनमा रास्वपाको समानुपातिक सूचीको आदिवासी जनजाति कलस्टरमा छिन् । रुपन्देही स्थायी घर भएकी कुसुम हाल काठमाडौंमै बस्दै आएकी छन् ।
स्रोतका अनुसार उनी रुपन्देही-३ मा आगामी कात्तिक १७ हुने उपनिर्वाचनमा उम्मेदवार बन्न आकांक्षी देखिएकी छिन् । अहिले पार्टीले उम्मेदवारको छनोट प्रक्रिया सुरु गरेकाले कुसुमले उम्मेदवारी दिनका लागि समानुपातिक उम्मेदवारको सूचीबाट नाम हटाउन निवेदन दिएको स्रोत बताउँछ ।
अहिले रास्वपा रुपन्देहीकै उपनिर्वाचनको तयारीमा केन्द्रित भएको छ । केही दिनअघि भैरहवामै पुगेर संसदीय दलको बैठक गरेको रास्वपाले आज सचिवालय बैठकमा थप तयारीबारे छलफल गर्दैछ ।
प्रवक्ता मनीष झाका अनुसार आजको बैठकमा उपनिर्वाचनमा सहभागी हुनका लागि दल दर्तालगायतका विषयमा निर्णय हुनेछ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया