काठमाडौं। भारतीय प्रधानमन्त्री नरेन्द्र मोदीले नेपालका नवनियुक्त प्रधानमन्त्री केपी शर्मा ओलीलाई बधाई दिएका छन् ।
राष्ट्रपतिको कार्यालय शीतल निवासमा शपथ ग्रहण समारोह चलिरहेका बेला मोदीले सामाजिक सञ्जाल एक्सबाट ओलीलाई बधाई दिएका हुन् ।
मोदीले दुई देशबीचको मित्रतालाई थप बलियो बनाउन नजिकबाट काम गर्न आफू तयार रहेको बताएका छन् । ओलीको कार्यकालमा दुई देशबीचको सम्बन्ध थप सुदृढ हुनेमा विश्वास रहेकाे बताएका छन् ।
‘नेपालको प्रधानमन्त्रीको रुपमा तपाईंको नियुक्तिका लागि हार्दिक बधाई’, मोदीले भनेका छन्, ‘हाम्रा दुई देशबीचको मित्रताको गहिराईलाई अझ सुदृढ गर्न र हाम्रा जनताको प्रगति र समृद्धिका लागि पारस्परिक लाभकारी सहयोगलाई अझ विस्तार गर्न हामी नजिकबाट काम गर्न तत्पर छौँ ।’
मोदीले बधाई दिएको आधा घण्टापछि मात्रै शीतल निवासमा ओलीले राष्ट्रपति रामचन्द्र पौडेलबाट पद तथा गोपनीयताको शपथ लिएका छन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया