काठमाडौँ । कतारका अमिर शेख तमिम बिन हमाद अल थानी नेपाल पुगेका छन् । उनी दुईदिने राजकीय भ्रमणका लागि नेपाल आएका हुन् ।
अमिर थानी बंगलादेशको राजधानी ढाका हुँदै मंगलबार अपराह्न ४ बजेतिर त्रिभुवन अन्तर्राष्ट्रिय विमानस्थलमा अवतरण गरेका हुन् । उनलाई स्वागत गर्न राष्ट्रपति रामचन्द्र पौडेल विमानस्थल पुगेका छन् ।
उनको यो भ्रमणबाट कतार र नेपालबीचको आत्मीय सम्बन्ध अझ सुमधुर हुनका साथै पारस्परिक सहयोग एवं सहकार्यका क्षेत्र विस्तारमा मद्दत पुग्ने नेपालका लागि कतारका राजदूत मिसाल बिन मोहम्मद अल अन्सारीले बताएका छन् ।
कतारी अमिर एसियाली मुलुकको औपचारिक भ्रमणमा आइतबार निस्किएको तथा त्यस क्रममा उनले फिलिपिन्स, बंगलादेशको भ्रमण गरिसकेका छन् भने दुई देशको भ्रमण सकेनर नेपाल आएका हुन् उनि दुई दिन नेपाल रहने राजदूत अल अन्सारीले बताए ।
प्रतिक्रिया