सुर्खेत। शनिबार दिउँसो कर्णालीमा ठुलो मात्रामा चट्याङ, हावाहुरीसहित असिना पानी परेको छ ।
चट्याङ लागेर दैलेखको भैरवी गाउँपालिका-६, तोरिमुलका १२ वर्षीय बालिका शर्मिला कँडेलको मृत्यु भएको दैलेखका प्रहरी प्रमुख किशोर लम्सालले बताएका छन् ।
चट्याङमा परी घाइते भएकी शर्मिलाको दुल्लु अस्पतालमा उपचार सम्भव नहुने भएपछि प्रदेश अस्पताल सुर्खेत पठाइएको थियो । तर, उनको बाटोमै मृत्यु भइसकेको हो । साथै त्यहाँ एउटा बाख्रो पनि मरेको प्रहरीले जनाएको छ ।
हावाहुरी र असिना पानीले विषेशगरी गहुँ, जौ, तरकारी लगायत हिउँदे बालीनालीमा क्षति पुर्याएको छ । टिप्नै लागेको गहुँ बालीमा असिनाले क्षति पुर्याउँदा किसानहरू भने चिन्तित बनेका छन् ।
असिना राजधानी वीरेन्द्रनगरमा विगत ४-५ वर्षयताको सबैभन्दा धेरै परेको स्थानीयहरूले बताएका छन् । प्रदेश प्रहरी कार्यालयका सूचना अधिकारी वीरबहादुर वलीले हावाहुरीले विभिन्न ठाउँमा भइरहेको क्षतिबारे जानकारी लिने काम भइरहेको बताएका छन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया