काठमाडौं । यातायात व्यवस्था विभागले शीघ्र सवारी चालक अनुमति पत्र (ड्राइभिङ लाइसेन्स) आवश्यक पर्ने नेपाली नागरिकको आवदेन अनलाइनबाट लिने भएको छ । विभागले पुस १५ गतेदेखि उक्त व्यवस्था सुरु गर्न लागेको हो ।
अध्ययन तथा रोजगारीका लागि विदेश जाने नेपाली नागरिक र शान्ति सेना मिसनका लागि विदेश जाने नेपाली सेना तथा नेपाल प्रहरीका लागि सवारी चालक अनुमतिपत्र शीघ्र प्रिन्ट गर्न विभागको अनलाइन सवारी चालक अनुमतिपत्र प्रणालीको पोर्टलमार्फत मिति निवेदन दिन सक्नेछन् ।
विभागका महानिर्देशक उद्धवप्रसाद रिजालले भने, ”अर्जेन्ट सवारी चालक अनुमतिपत्र प्रिन्ट गर्नुपर्ने छ भने नेपाली नागरिकले अनलाइनमार्फत कारणसहित आवदेन दिनुपर्ने हुन्छ । यदि कारण प्रस्ट खुलेको छ भने हामी ३ दिनभित्र प्रिन्ट गरेर लाइसेन्स दिन्छौं ।”
प्राविधिक समस्या आएन भने स्मार्ट कार्ड छपाई गरी विभागको सहायता कक्षवाट वितरण हुनेछ । त्यसैले सवारी चालक अनुमतिपत्र लिन आउँदा उक्त पोर्टलमा अपलोड गरेका कागजातको सक्कल प्रति र अनलाइन निवेदनको प्रिन्ट लिई विभागमा जानुपर्नेछ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया