काठमाण्डाै । लगातार सातौँ दिन आज बुधवार पनि शेयर बजार बढेको छ ।
शेयर बजार परिसूचक नेप्से आज १६.४९ अङ्कले बढेर १ हजार ९ सय ५९.१२ विन्दुमा पुगेको छ ।
आज फाइनान्स, जलविद्युत् र म्युचल फन्डबाहेकका समूहको शेयर बढेकोमा होटल तथा पर्यटन र उत्पादन समूहको शेयर उच्च अङ्कले बढेको छ ।
बजार बढेपनि आज कारोबार रकम भने घटेको छ । हिजो २ अर्ब २० करोड रुपैयाँको कारोबार भएकोमा आज २ सय ७० वटा कम्पनीकाे ४८ लाख ६५ हजार कित्ता शेयर १ अर्ब ८७ करोड रुपैयाँमा कारोबार भएको छ । सबैभन्दा धेरै शिवम् सिमेन्टको १४ करोड ६४ लाख रुपैयाँको शेयर किनबेच भाको हो ।
आज आत्मनिर्भर लघुवित्तको शेयर १० प्रतिशतले बढेको छ । समग्रमा बजार बढे पनि अजोड इन्सुरेन्स लिमिटेडको शेयर साढे ३ प्रतिशतभन्दा धेरैले घटेको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया