क्रिमिया । रुसको कब्जामा रहेको क्रिमिया प्रायद्वीपमा युक्रेनले गरेको पछिल्लो आक्रमणमा कम्तीमा चार जनाको मृत्यु भएको रूसद्वारा नियुक्त अधिकारीहरूले आरोप लगाएका छन् ।
रूस समर्थित प्रशासनका अनुसार एकै घटनामा क्रिमियाको राजधानी सिम्फेरोपोलमा गैर–आवासीय संरचना भनिएका स्थानहरूमा भएको आक्रमणमा तीन जनाको मृत्यु र सात जना घाइते भएका छन् । यो सहरमा भएको हालसम्मको पहिलो घातक आक्रमण मानिएको छ ।
अर्काे घटनामा केर्च सहरतर्फ जाँदै गरेको एक यात्री रेलमा आक्रमण हुँदा एक जनाको मृत्यु र तीन जना घाइते भएको क्रेमलिन समर्थित स्थानीय नेताले बताएका छन् ।
यस विषयमा युक्रेनले हालसम्म कुनै औपचारिक प्रतिक्रिया दिएको छैन । पछिल्ला दिनहरूमा युक्रेनमाथि कब्जा गरिएका क्षेत्रहरूमा नागरिक यातायातलाई निशाना बनाएको आरोप लगातार लाग्दै आएको छ । यसैबीच, युक्रेनले रूसभित्रका विभिन्न स्थानहरूमा पनि आक्रमण विस्तार गरिरहेको छ ।
बुधबार युक्रेनले रूसको दोस्रो ठूलो सहर सेन्ट पिटर्सबर्गको बाहिरी क्षेत्रमा ड्रोन आक्रमण गरेको बताइएको छ । यो आक्रमण सहरमा विदेशी लगानी आकर्षित गर्ने उद्देश्यले आयोजना गर्न लागिएको एउटा ठुलो आर्थिक सम्मेलन सुरु हुनुभन्दा केही घण्टा अघि भएको थियो ।
सेन्ट पिटर्सबर्ग आर्थिक मञ्च रूसको प्रमुख राजनीतिक तथा आर्थिक कार्यक्रममध्ये एक हो । २०२२ मा युक्रेनमाथि पूर्ण आक्रमण सुरु हुनुअघि यस कार्यक्रममा पश्चिमी देशका उच्च अधिकारीहरू समेत सहभागी हुने गर्थे । तर युद्धपछि पश्चिमी प्रतिनिधिहरूको सहभागिता उल्लेखनीय रूपमा घटेको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया