काठमाडौँ । मेडिकल व्यवसायी दुर्गा प्रसाईँले गरिब नागरिकमाथि सरकारले नै लुटपाट मच्चाएको आरोप लगाएका छन् । देशको समसामायीक राजनीतिक विषयमा पत्रकार सम्मेलनमार्फत आफ्नो भनाइ सार्वजनिक गर्दै प्रसाईँले सदन प्रतिपक्षविहीन बनेको आरोप लगाए ।
हर्क साम्पाङ नेतृत्वको श्रम संस्कृति पार्टी प्रतिपक्षी बनेर आवाज उठाउने अपेक्षा गरे पनि उपसभामुख लिएर सरकारमै सहभागी भएकोले सदन प्रतिपक्षविहीन बनेको उनले बताए । गरिब नागरिकमाथि सरकारले नै लुटपाट मच्चाउँदा समेत प्रतिपक्षी दल बोल्न नसकेकोले सदन प्रतिपक्षीबिहीन बनेको उनको आरोप थियो ।
निर्वाचनको परिणामपछि सबै दल संकटमा रहेको र केही दलहरू फुटको डिलमा रहेकोले उनीहरुले नागरिकको पक्षमा आवाज उठाउन नसकेको प्रसाईँको भनाइ छ । सरकारको विकास सामाजिक सञ्जालमा सीमित रहेको उनले बताए ।
बालेन शाहमाथि आक्रामक रूपमा प्रस्तुत भएका उनले तीन महिना चुप लागौँ भन्दा पनि नबोली सुखै नपाएको उनले उल्लेख गरे । हिन्दु अधिराज्य कायम गर्ने, एसपीपी र एमसीसी खारेज गर्ने हो भने सरकारलाई साथ दिन आफू तयार रहेको उनले बताए ।
डीडीसीले किसानको ९ अर्ब रुपैयाँ अझै नतिरेको भन्दै उनले सरकारको ध्यानाकर्षण गराए । सरकारले शिक्षा र स्वास्थ्य निःशुल्क गर्छु भन्दै गर्दा १९ अर्ब स्वास्थ्य बीमाको रकम नतिरेको उल्लेख गरे ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया