गोरखाको मनकामना मन्दिर दर्शन गरी फर्किने क्रममा इलेक्ट्रिक भ्यान (EV) दुर्घटना हुँदा ७ जना भारतीय नागरिक घटनास्थलमै मृत्यु भएका छन् भने ८ जना घाइते भएका छन्। दुर्घटनामा सवार १५ मध्ये अधिकांश यात्रु भारतीय नागरिक थिए।
शहिद लखन गाउँपालिका–३ का वडाध्यक्ष दिपक पाण्डेका अनुसार दुर्घटना राति करिब ८ बजे भएको थियो। गाडी करिब १५०–२०० मिटर तल खसेको थियो। उद्धारमा खटिएको टोलीले बाँकी ८ घाइतेलाई जीवितै उद्धार गरेको छ। घाइतेमध्ये ७ जनालाई आँबुखैरेनी अस्पतालमा उपचार भइरहेको छ भने एक गम्भिर घाइतेलाई भरतपुर रिफर गरिएको छ।
वडाध्यक्ष पाण्डेले दुर्घटनाको सम्भावित कारणमा ब्रेक फेल, ठाडो र अप्ठ्यारो बाटो, पानी पर्ने अवस्था र रुटबारे अनभिज्ञता रहेको उल्लेख गरेका छन्। सशस्त्र प्रहरीको टोलीले घटनास्थलबाट केही शव उठाउने कार्य गरिरहेको छ। यस दुर्घटनाले मनकामना–आँबुखैरेनी सडकको जोखिमपूर्ण अवस्थाबारे चेतावनी दिएको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया