काठमाडौं । नेपाली कांग्रेसले चुनावमा अन्तर्घात गर्नेहरु माथि प्राप्त उजुरीहरु माथि प्रारम्भिक अध्ययन सुरु गरेको छ ।
तारामान गुरुङ संयोजक रहेको अनुशासन समितिको शुक्रबार बसेको बैठकले अनुशासन उल्लंघनका उजुरीहरूको प्रारम्भिक अध्ययन गर्ने निर्णय गरेको हो । अनुशासन समितिलाई बारा, बैतडी, सिन्धुली, नवलपरासी लगायतका जिल्लाबाट उजुरी प्राप्त भएको छ ।
२१ फागुनमा भएको चुनावमा कांग्रेसको उम्मेदवारलाई हराउन पार्टीकै सदस्यले नै भूमिका खेलेको कारबाहीका लागि नामहरु किटान गरेर उजुरी आएको अनुशासन समितिले जानकारी गराएको छ ।
बैठकले अनुशासन समितिको सचिवमा केन्द्रीय कार्यालयमा सह सचिव दिनेश थापालाई मनोनित गरेको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया