काठमाडौँ । राष्ट्रिय प्रजातन्त्र पार्टी (राप्रपा) ले साइबर ब्युरो र निर्वाचन आयोगमा निवेदन दिएको छ।
भ्रम सिर्जना गर्ने तथा जातीय सद्भावमा प्रतिकूल असर पार्ने गतिविधि गरेको पाइएको भन्दै कारबाही मागसहित राप्रपाले साइबर ब्युरो र निर्वाचन आयोगमा उजुरी दिएको हो।
राप्रपा महामन्त्री राजेन्द्र गुरूङले साइबर ब्युरोमा दिएको निवेदनमा ‘हाम्रो पार्टी नेपाल मधेस, दलित भ्वाइसेस, नन्दु बिसी, लोकेन्द्र विसीको फेसबुकबाट अध्यक्ष राजेन्द्र लिङ्देनविरूद्ध भ्रम सिर्जना गरेको उल्लेख छ।
अध्यक्ष लिङ्देनको फोटो र गाईको तस्बिर प्रयोग गरेर भ्रम सिर्जना गर्ने पोस्टहरू ती आइडीबाट भएको भन्दै आवश्यक कारबाही माग गर्दै राप्रपाले साइबर ब्युरोमा निवेदन दिएको हो।
साथै नेपाली टाइम्सले रूपन्देही २, झापा र अन्य क्षेत्रमा एमाले र राप्रपाको समझदारी भन्दै प्रचार गरेको र उक्त कुरा भ्रामक रहेको भन्दै राप्रपाले निर्वाचन आयोगलाई आचारसंहिताअनुसार आवश्यक कारबाही माग गर्दै निवेदन दिएको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया