बुटवल । पूर्वी नवलपरासीमा खटिएका प्रहरी नायब उपरीक्षक (डिएसपी) मधु नेपाल बहुविवाहको आरोपमा पक्राउ परेका छन्। जेठी श्रीमती तारा नेपाल खनालले दिएको उजुरीपछि रूपन्देही प्रहरीले सोमबार पक्राउ पुर्जी जारी गर्दै उनलाई नियन्त्रणमा लिएको हो।
प्रहरी उपरीक्षक प्रदीपबहादुर क्षेत्रीका अनुसार जाहेरी परेपछि डिएसपी नेपाल स्वयं प्रहरी कार्यालय पुगेका थिए। अदालतबाट तीन दिनको म्याद थपिएपछि अहिले उनीमाथि विस्तृत अनुसन्धान अघि बढाइएको छ।
प्रहरी स्रोतले डिएसपी नेपालले प्रहरीमै कार्यरत एक युवतीसँग दोस्रो विवाह गरेको दाबी गरेको छ। तर ति युवती हाल फरार रहेको बताइएको छ।
डिएसपी नेपाल पहिले पनि विवादमा मुछिएका थिए। २०७४ सालमा बुटवलको वडा प्रहरी कार्यालय रामनगरमा निरीक्षक रहँदा गाँजा कारोबारसम्बन्धी आर्थिक लेनदेनको विवादपछि उनी निलम्बनमा परेका थिए। त्यस विवादका कारण उनी बढुवा सूचीबाट समेत छुटेका थिए।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया