काठमाडौं। देशका विभिन्न भागमा अहिले पनि पश्चिमी वायु र अरब सागरमा बनेको चक्रवात ‘मोन्था’ को आंशिक प्रभाव कायम रहेको जल तथा मौसम पूर्वानुमान महाशाखाले जनाएको छ। यस कारण आज पनि देशका थुप्रै स्थानमा वर्षा र उच्च हिमाली भू–भागमा हिमपात हुने सम्भावना रहेको महाशाखाको भनाइ छ।
महाशाखाका अनुसार हाल पश्चिमी वायु सक्रिय रहेका कारण कोशी, मधेश, बागमती, गण्डकी र लुम्बिनी प्रदेशका अधिकांश स्थानमा दिउँसोभरि बादल लाग्नेछ। तराईका भू–भागमा सामान्य बदली रहनेछ भने कोशी, मधेश र बागमती प्रदेशका धेरै स्थानमा मध्यम वर्षा हुन सक्छ।
गण्डकी र लुम्बिनी प्रदेशका पहाडी तथा हिमाली क्षेत्रमा वर्षा र हिमपात हुने सम्भावना रहेको जनाइएको छ। त्यसैगरी कर्णाली र सुदूरपश्चिम प्रदेशका केही स्थानमा हल्का वर्षा हुन सक्ने पूर्वानुमान गरिएको छ।
महाशाखाले देशका उच्च पहाडी तथा हिमाली भू–भागका केही भागमा मध्यम हिमपात हुन सक्ने बताउँदै वर्षा र हिमपातको सम्भावना रहेका क्षेत्रतर्फ यात्रा गर्नेहरूलाई सतर्क रहन आग्रह गरेको छ। साथै, ती क्षेत्रमा रहेका किसानलाई समेत आवश्यक सावधानी अपनाउन महाशाखाले सल्लाह दिएको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया