काठमाडौँ । आफ्नै शरीरमा पेट्रोल खन्याएर आगो लगाउने प्रयास गरेकी गायिका नीतु पौडेलको मृत्यु भएको छ। काठमाडौं जिल्ला प्रहरी परिसरका एसपी पवन कुमार भट्टराईका अनुसार पौडेलको शुक्रबार बिहान कीर्तिपुर वर्न अस्पतालमा उपचारका क्रममा निधन भएको हो।
गत शनिबार दिउँसो, गायिका पौडेलले संगीतकार तथा गायक बाबुल गिरीको कार्यालयमा गएर पेट्रोल खन्याई आफ्नै शरीरमा आगो लगाएकी थिइन्। घटनापछि उनलाई तत्काल उद्धार गरी कीर्तिपुर वर्न अस्पताल लगिएको थियो, जहाँ पाँच दिनसम्म उपचार भइरहे पनि ज्यान जोगाउन सकिएन।
प्रहरीका अनुसार घटनाबारे थप अनुसन्धान भइरहेको छ। पौडेलले आगो लगाउनु अघि कुनै व्यक्तिगत वा पेशागत कारणका आधारमा यस्तो कदम चालेकी हुन् कि भन्ने विषयमा पनि प्रहरीले खोजबिन थालेको छ। पौडेल नेपाली संगीत क्षेत्रकी उदाउँदी गायिका मानिन्थिन्। उनका केही गीत सामाजिक सञ्जालमा लोकप्रिय भएका थिए।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया