काठमाडौं । नेपाली बजारमा सुनको मूल्यले नयाँ रेकर्ड कायम गरेको छ। अघिल्लो दिनको तुलनामा प्रतितोला २ हजार ४ सय रुपैयाँले बढ्दै सुनको भाउ २ लाख ४० हजार ४ सय रुपैयाँ पुगेको छ।
नेपाल सुनचाँदी व्यवसायी महासंघका अनुसार आइतबार प्रतितोला २ लाख ३८ हजार रुपैयाँमा कारोबार भएको सुन सोमबार नयाँ उच्च मूल्यमा पुगेको हो। यो हालसम्मकै सबैभन्दा उच्च दर हो।
अन्तर्राष्ट्रिय बजारमा पनि सुनको मूल्यले रेकर्ड बनाउँदै प्रतिऔंस ४ हजार ५० अमेरिकी डलर नाघेको छ। अन्तर्राष्ट्रिय वृद्धिको असर नेपाली बजारमा समेत देखिएको व्यवसायीहरूको भनाइ छ।
त्यस्तै, चाँदीको भाउ पनि निरन्तर बढ्दो क्रममा छ। सोमबार प्रतितोला ३ हजार २ सय २० रुपैयाँ पुगेको चाँदी अघिल्लो दिनको तुलनामा ९५ रुपैयाँले महँगिएको हो।
विशेषज्ञहरूका अनुसार विश्व बजारमा बढ्दो अस्थिरता, जिइओ पोलिटिकल तनाव र लगानीकर्ताहरूको सुरक्षित विकल्पतर्फको झुकावले सुन–चाँदीको मूल्यमा तीव्र उछाल आएको हो।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया