गाजा । दक्षिण गाजामा सोमबार भएको इजरायलको घातक आक्रमणमा नास्सर अस्पताल कम्तीमा चार पटक प्रहार भएको बीबीसी भेरिफाईले नयाँ भिडियो विश्लेषणमार्फत पुष्टि गरेको छ।
अन्तर्राष्ट्रिय स्तरमा तीव्र आलोचना भएको उक्त आक्रमणमा कम्तीमा २० जनाको मृत्यु भएको बताइएको छ, जसमा पाँच पत्रकार पनि थिए। प्रारम्भिक प्रतिवेदनअनुसार अस्पताल दुई पटक मात्र आक्रमणमा परेको उल्लेख भए पनि नयाँ प्रमाणले चार पटक आक्रमण भएको देखाएको हो।
बीबीसी भेरिफाई र विज्ञहरूको विश्लेषणअनुसार पहिलो चरणमै दुई फरक भर्याङमा एकैसाथ प्रहार भएको थियो भने पछिल्लो आक्रमण भने दुई पटक अलग–अलग विस्फोट भएको पाइएको छ।
स्थानीय समयमा बिहान १०:०८ बजे पूर्वी भर्याङमा भएको पहिलो प्रहारमा रोयटरका लागि प्रत्यक्ष प्रसारण गरिरहेका पत्रकार हुस्साम अल–मास्रीको मृत्यु भएको पुष्टि भएको छ।
साथै, उत्तरी भागको अर्को भर्याङ पनि प्रहारमा परेको नयाँ फुटेजले देखाएको छ। आपतकालीन उद्धारकर्मीका अनुसार अस्पतालको अपरेटिङ विभागसमेत प्रभावित भएको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया