• आज :

ताजा अपडेट

ट्रेन्डिङ शिर्षक

News Portal

  • आज :

खेलकुद समाचार

आईसीसी यू–१९ विश्वकप छनोट : नेपालद्वारा ओमानमाथि ८ विकेटको शानदार जित

2.6K
SHARES



काठमाडौँ । आईसीसी यू–१९ एकदिवसीय विश्वकप क्रिकेटको एसियाली क्षेत्रको छनोट प्रतियोगिताको दोस्रो खेलमा नेपालले ओमानमाथि ८ विकेटको शानदार जित हात पारेको छ । ओमनले प्रस्तुत गरेको १ सय १८ रनको लक्ष्य नेपालले १४.३ ओभरमा २ विकेटको क्षतिमा पछ्यायो ।

नेपाललाई ओपनरद्वय साहिल पटेल र नीरज कुमार यादवले उत्कृष्ट सुरुवात दिलाए । पटेलले ४२ बलमा ४४ रन जोडे । उनले ३ चौका र १ छक्का प्रहार गरे । यादवले ३१ बलमा ५ चौका र २ छक्काको मद्दतले ४६ रन जोडे ।

कप्तान नरेन भट्टले नटआउट रहँदै १२ तथा सन्तोष यादवले नटआउट रहँदै १० रन बनाएर टोलीलाई जितसम्म डोर्‍याए । ओमानका लागि दुवै विकेट सौम्य भविन सम्पतले लिए ।

यसअघि, युवराज खत्रीको घातक बलिङसामु ओमान निरीह बनेको थियो । ओमानले ३८ ओभरमा सबै विकेट गुमाएर ११७ रन मात्र बनाउन सक्यो ।

टोलीका लागि जित व्रजेश शाहले सर्वाधिक ५२ रनको योगदान दिए । उनले ७८ बलमा ६ चौका प्रहार गरे । सिद्धार्थ सौम्य शंकरले १६ रन तथा प्रथयेश हेमा रमेशले १० रन जोडे । अन्य ब्याटरले दोहोरो अंकमा रन बनाउन सकेनन् ।

युवराजले ७ ओभर बलिङ गर्दै १५ रन खर्चेर ५ विकेट लिए । त्यस्तै, सन्तोष यादवले २ विकेट तथा दयानन्द मण्डल, अपराजित पौडेल र अशोक धामीले १–१ विकेट लिए ।

नेपालले पहिलो खेलमा यूएईलाई ५ रनले हराएको थियो । वर्षाले प्रभावित खेलमा खराब प्रकाशका कारण अम्पायरले डी/एल मेथडबाट नेपाललाई विजेता घोषित गरेका थिए ।

  
सञ्चारकेन्द्र
[email protected]

नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

सञ्चारकेन्द्रबाट थप +
प्रतिक्रिया

आजको ट्रेन्डिङ