काठमाडौं । नेकपा (एकीकृत समाजवादी) का अध्यक्ष माधवकुमार नेपालले देशमा वंशानुगत शासन पुनः लागू गर्ने प्रयास गर्ने तत्वलाई कडा चेतावनी दिएका छन्। शुक्रबार काठमाडौंको भृकुटीमण्डपमा समाजवादी मोर्चाले आयोजना गरेको एक जनसभालाई सम्बोधन गर्दै राजतन्त्रको पुनरुत्थानको प्रयासलाई अस्वीकार गर्दै, “जो कोई पनि वंशीय शासन फर्काउने प्रयास गर्नेछ, उसले ठूलो मूल्य चुकाउनुपर्नेछ।”
अध्यक्ष नेपालले भनें, “नेपालको इतिहासले देखाएको छ कि २४० वर्षको शाह वंशको शासन र १०४ वर्षको राणा शासनले नेपाली जनतालाई दास बनाएको थियो। अब कुनै हालतमा नेपाली जनताले फेरि राजतन्त्र स्वीकार गर्ने छैनन्।” उनका अनुसार, २० औं शताब्दीयताको अन्त्यसँगै जनताको तागत र सार्वभौमसत्ता प्रकट भएको थियो र अब इतिहासलाई फेरि उल्ट्याउने कुनै प्रयास सफल हुन सक्दैन।
नेपालले अझै जोड दिँदै भने, “राजतन्त्रले सधैं देशलाई कमजोर र गरीब बनायो। यसले नेपाललाई विकास र समृद्धिको मार्गमा कहिल्यै अघि बढ्न दिएन।” उनले यसलाई जनताको दासता र असमानताको प्रतीकको रुपमा चित्रित गरे। उनको भनाइमा, “नेपाल अब कुनै पनि हालतमा इतिहासको पछाडि फर्कन सक्दैन। हामीले जनताको अधिकार र सार्वभौमसत्ताको लागि संघर्ष गरेका छौं, र त्यसबाट पछि फर्किन सक्ने स्थिति अब छैन।” उनले थपे, “समाजवादी विचार र व्यवस्था नै नेपाली जनताको समस्याको समाधान हो।”
अध्यक्ष नेपालले वर्तमान पुँजीवादी व्यवस्थाका साथै सत्ता सञ्चालन गर्ने नेतृत्वको नालायकीपनका कारण जनताले लगातार दुःख भोगिरहेका आरोप लगाए। उनले भने, “आजको शासन व्यवस्था मात्र आफूलाई सन्तुष्ट पार्नको लागि काम गरिरहेको छ। जनताको समस्यामा कुनै गम्भीरता छैन, र यसले समाजमा असमानता र अस्थिरता सिर्जना गरेको छ।”
उनले अझ थपे, “हामीसँग नेपाली विशेषतासहितको समाजवादी व्यवस्थाको स्पष्ट खाका छ, जसले जनताको वास्तविक हक र अधिकारको सुनिश्चितता गर्नेछ।” अध्यक्ष नेपालले सत्ता सञ्चालन गर्ने वर्तमान व्यवस्थामा यथास्थिति कायम राख्ने प्रवृत्तिलाई चूनौती दिँदै जनतासँग एकजुट भएर नयाँ समाजवादी नेतृत्व ल्याउने आह्वान गरे।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया