कालिकोट । कालिकोटको तिलागुफा नगरपालिका–४ को वडाध्यक्ष नेपाल मजदुर किसान पार्टीले नेकपा माओवादी केन्द्रबाट खोसेको छ। तिलागुफा ४ मा नेमकिपाका उम्मेदवार खड्गराज शाही निर्वाचित भएका छन्।
आइतबार मतदानलगत्तै भएको मतगणनाको अन्तिम मतपरिणाम अनुसार १४३ मतसहित शाही निर्वाचित भएका हुन्। उनका प्रतिद्वन्दी नेकपा माओवादी केन्द्रकी नैसोभा शाहीले ११५ मत ल्याएका छन्।
नेकपा एमालेका ऐनबहादुर शाहीले ७८, कांग्रेसका पैलबहादुर शाहीले ४९, रास्वपाका गगन बमले ५, राप्रपाका गोगनबहादुर शाहीले १७ मत ल्याएका छन्। खसेको मतमध्ये ४ मत बदर भए।
यसअघि माओवादीका परबहादुर शाही अध्यक्ष थिए। उनको २०७९ मा मृत्यु भएको थियो। माओवादीका शाहीले त्यसबेला २३४ मत ल्याएका थिए। उनका निकटतम प्रतिद्वन्दी नेमकिपाका दिपबहादुर शाहीले १६१ मत ल्याएका थिए।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया