सर्लाही। सर्लाही प्रहरीले चोरी डकैतीमा संलग्न रहेको आरोपमा एक जनालाई गोली हानेर पक्राउ गरेको छ । लालबन्दी नगरपालिका–२ का विजेन्द्र पासवानलाई भारतीय सीमा नजिक रहेको शीतलपुरबाट पक्राउ गरेको जिल्ला प्रहरी कार्यालय महोत्तरीका प्रहरी नायब उपरीक्षक (डीएसपी) सन्तुलालप्रसाद जैसवारले जानकारी दिएका हुन् ।
पासवानलाई घुँडामुनि एक राउन्ड गोली लागेको छ । मधेशका बारा, सर्लाही, महोत्तरी र सिरहासँगै सीमावर्ती सिन्धुली जिल्लामा चोरी डकैतीका सात वटा घटनामा पासवान संलग्न रहेको प्रहरीको भनाइ छ ।
उनले पछिल्लो समय एक करोड रुपैयाँभन्दा बढीको नगद, सुनचाँदीका गरगहना तथा सरसामान लुटेको पाइएको डीएसपी जैसवारले बताएका छन् ।
त्यस्तै पासवानमाथि सिन्धुलीको झपसी क्यानेश्वर, बाराको गढीमाई, सर्लाहीको भक्तिपुर, सिरहाको लहान र महोत्तरीको भङ्गाहा तथा समसीमा चोरी डकैती गरेको प्रहरीको आरोप छ ।
प्रहरीका अनुसार उनले २०५९ सालदेखि चोरी डकैती गर्दै आएका थिए । पासवानको अहिले जलेश्वर प्रादेशिक अस्पतालमा उपचार भइरहेको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया