काठमाडौं । भारतको बिहार राज्यमा पर्ने लखिसरायस्थित अशोकधाम मन्दिरमा भगदौड मच्चिँदा सात जनाको मृत्यु भएको छ ।
लखिसरायका सब डिभिजनल प्रहरी अधिकारी (एसडीपीओ) शिवम कुमारले सोमबार बिहान अशोकधाम मन्दिरमा उक्त घटना भएको बीबीसीलाई जानकारी दिएका छन् ।
शिवम् कुमारका अनुसार घटनामा अहिलेसम्म सात जनाको मृत्यु भएको छ भने अन्य ६ जना घाइते भएका छन् । घाइतेहरूलाई सदर अस्पतालमा भर्ना गरिएको छ ।
लखिसरायका जिल्ला अधिकारी शैलेन्द्र कुमार घाइतेहरूलाई भेट्न सदर अस्पताल पुगेका थिए । उनले त्यहाँ पत्रकारहरूलाई घटनाबारे जानकारी दिएका छन् । उनका अनुसार मृत्यु हुने सबै सात जना महिला हुन् ।
‘अशोकधाम हल्ट रेलवे स्टेसनको ठिक अगाडिदेखि मन्दिरसम्म लामो लाइन लागेको थियो । त्यही समयमा स्टेसनमा दुईवटा रेल पनि आइपुगे । यसैबीच विद्युतको पोल ढलेको अफवाह फैलियो,’ जबकी वास्तवमा केवल बिजुलीको तार मात्र चुँडिएको थियो,’ उनले भने, ‘त्यसपछि बायाँतर्फ रहेको महिलाहरूको लाइनमा दबाब बढ्यो र महिलाहरू एकमाथि अर्को खस्दै गए ।’
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया