काठमाडौं । हुलाकी राजमार्गअन्तर्गत झापा गाउँपालिका–२ र गौरीगञ्ज–१ जोड्ने कन्काई पुल निर्माण १४ वर्षदेखि अलपत्र परेपछि पप्पु–महादेव–खिम्ती जेभीसँगको ठेक्का तोडिएको छ।
योजना कार्यालय इटहरीले ३१ जेठ २०६८ मा भएको करिब ३४ करोड ९ लाख रुपैयाँको डिजाइन–एण्ड–बिल्ड ठेक्का बिहीबार रद्द गरेको हो।
म्याद पाँचपटक थप्दा पनि ७२३ मिटरको पुलको काम ५६ प्रतिशत मात्र पुगेको, स्पष्टीकरण चित्तबुझ्दो नभएको र निर्माण व्यवसायीले तदारुकता नदेखाएको भन्दै ठेक्का समाप्त गरिएको कार्यालय प्रमुख युवराज पोखरेलले बताए।
ठेक्का रद्दसँगै १ करोड ७१ लाख रुपैयाँ कार्यसम्पादन जमानत जफत गरिने र व्यवसायीलाई कालोसूचीमा राख्ने प्रक्रिया अघि बढाइएको छ।
पुलका १९ स्पानमध्ये ८ स्पान मात्र सकिएका छन्। ऊर्जा तथा भौतिक पूर्वाधारमन्त्री कुलमान घिसिङले स्थलगत निरीक्षणपछि अलपत्र आयोजना तत्काल निर्णयमा ल्याउने बताउँदै निष्क्रिय ठेकेदारविरुद्ध कडा कदम चाल्न निर्देशन दिएका थिए।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया