काठमाडौँ । अन्तर्राष्ट्रिय महिला च्याम्पियनसिप फुटबलमा आज नेपाल र लेबनान भिड्दै छन्। काठमाडौँको त्रिपुरेश्वरस्थित दशरथ रङ्गशालामा साँझ ६ बजे खेल सुरु हुनेछ ।
यसअघि पहिलो खेलमा नेपालले किर्गिस्तानलाई १–० गोलले पराजित गरेको थियो । लेबनानले भने आफ्नो पहिलो खेलमा बलियो मानिएको म्यानमारसँग ३–१ गोलले पराजित भएको थियो।
नेपालले लेबनानसँग दोस्रो पटक खेल्न लगेको हो। यसअघि सन् २०२४ को वाफ वुमन्स च्याम्पियनसिपमा नेपाल र लेबनानले सेमिफाइनलमा प्रतिस्पर्धा गरेका थिए। सो खेलमा नेपालले २–१ गोलले जित निकालेको थियो।
प्रतियोगिताका खेलहरू राउन्ड रोबिन आधारमा खेलिनेछ भने शीर्ष दुई टोलीबिच फाइनल खेल हुनेछ। नेपालले अब फागुन ८ मा लेबनान र फागुन ११ मा म्यानमारसँग खेल्नेछ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया