सर्लाही । सर्लाहीमा एक जनाले गोली प्रहार गरी श्रीमतीको हत्या गरेका छन्। बाबु गम्भीर घाइते छन्।
सर्लाही हरिपुर्वा नगरपालिका वडा नम्बर ५ मा बुधबार राति पौने दुई बजे ती अभियुक्तले गोली प्रहार गरी २३ वर्षीया श्रीमती चित्रलेखा यादवको हत्या गरेका हुन्। गोली प्रहारबाट ५४ वर्षीया बुवा रामदिनेश रायलाई घाइते बनाएको सर्लाहीका प्रहरी प्रवक्ता डिएसपी दिपक श्रेष्ठले जानकारी दिए।
अभियुक्त हाल फरार रहेको र खोजी भइरहेको प्रवक्ता श्रेष्ठले जानकारी दिए। प्रहरीले अभियुक्तको नाम खुलाएको छैन। चित्रलेखा बायाँ कञ्चटमा गोली लागेको अवस्थामा फेला परेको र उनको घटनास्थलमै मृत्यु भएको प्रवक्ता श्रेष्ठले जानकारी दिए।
‘घटनास्थलमा २० जना प्रहरीको समूह परिचालन भइसकेको छ। घटनास्थल जिल्ला प्रहरी कार्यालयबाट १४ किलोमिटर दूरीमा पर्छ। बोर्डर नाकामा पनि खोजतलास तीव्र पारेका छौं,’ उनले भने।
घाइते बाबुको प्रादेशिक अस्पताल मलंगवामा उपचार भइरहेको श्रेष्ठले बताए। प्रहरीले घटनास्थलबाट दुई राउन्ड खोका र एक थान नपड्किएको गोलीसमेत बरामद गरेको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया