काठमाडौं । काठमाडौंबाट रसुवाको स्याफ्रुबेसी उडेको एयर डाइनेस्टीको हेलिकप्टर नुवाकोटमा दुर्घटना भएकाे छ । हेलिकप्टर शिवपुरी गाउँपालिका-७ सूर्यचौर क्षेत्रमा दुर्घटना भएकाे जिल्ला प्रहरी कार्यालय नुवाकोटका प्रमुख एसपी शान्तिराज कोइरालाले जानकारी गरएका छन् ।
दुर्घटनामा पाँच जनाको मृत्यु भएको पनि कोइरालाले जानकारी गराएका छन् । दुर्घटनामा १ महिला र ४ पुरुषको मृत्यु भएको जानकारी दिए । काठमाडौंबाट स्याफ्रुबेसी जाँदै गरेको हेलिकोप्टर दुर्घटनामा परेको उनले बताए ।
उनका अनुसार एयर डाइनेस्टीको हेलिकप्टर सूर्यचौरमा दुर्घटनामा परेको हो । उक्त हेलिकप्टर जलेको अवस्थामा भेटिएको स्थानीयले जानकारी दिएपछि अहिले प्रहरी घटनास्थल पुगिसकेको छ । प्रमुख जिल्ला अधिकारी र प्रहरी अधिकृतहरू घट्नास्थलतर्फ गइरहेको उनले जानकारी दिए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया