काठमाडौँ । पाल्पामा कार दुर्घटना हुँदा पाँच जना घाइते भएका छन्। सोमबार दिउँसो साढे ३ बजे तानसेन नगरपालिका-१ नारायणडाँडास्थित तानसेन-रानिमहल सडकमा कार दुर्घटनामा परेको हो।
कार दुर्घटनामा पर्दा पाँच जना घाइते भएको जिल्ला प्रहरी कार्यालय पाल्पाका डिएसपी सुनिल मल्लले जानकारी दिए। लु १ ज ४९६८ नम्बरको गाडी आफै अनियन्त्रित भएर भित्तामा ठोक्किएको प्रहरीले जनाएको छ।
उक्त कारमा १३ जना सवार थिए। जसमध्ये पाँच जना घाइते भएको र उनीहरूको उपचारको लागि मिसन अस्पतालमा पठाइएको छ।
घाइते पाँचै जनाको अवस्था सामान्य रहेको डिएसपी मल्लले जानकारी दिए। घटना सम्बन्धमा प्रहरीले थप अनुसन्धान अघि बढाएको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया