काठमाडौँ । दसैँका लागि शनिबारदेखि अग्रिम टिकट बुकिङ खुला हुने भएको छ ।
सरकार र यातायात क्षेत्रका सरोकारवालाबिच शनिबार (१२ गते) देखि दसैँका लागि सार्वजनिक यातायातको अग्रिम टिकट बुकिङ खुला गर्ने सहमति भएको हो ।
मंगलबार यातायात व्यवस्था विभागमा बसेको बैठकमा दुई पक्षबिच सो सहमति भएको छ । सहमतिमा अग्रिम टिकट बुकिङ खुला गर्ने, रुट परमिट खुला गर्ने, सडकको मर्मत सम्भारलगायत विषय समावेश छन् ।
यसअघि भौतिक पूर्वाधार तथा यातायात मन्त्रालयमा बसेको बैठकमा घटस्थापना अगाडि अग्रिम बुकिङ खुलाउने सहमति भएको थियो ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया