काठमाडौँ । नेकपा (एकीकृत समाजवादी)ले तीन जना नेतालाई वरिष्ठ नेतामा मनोनीत गरेको छ । केन्द्रीय कमिटी बैठकले बेदुराम भुसाल, प्रवेश हमाल र घनेन्द्र बस्नेतलाई वरिष्ठ नेतामा मनोनीत गरेको हो ।
वरिष्ठ उपाध्यक्ष पदमा दाबी गरेका तीन जनालाई बिहीबार सकिएको केन्द्रीय कमिटी बैठकले वरिष्ठ नेतामा मनोनीत गरेको हो । वरिष्ठ उपाध्यक्षमा राजेन्द्र पाण्डे सर्वसम्मत चयन भएका थिए । तर १७ पदाधिकारी र पोलिटब्युरो सदस्यका लागि मतदान भएको थियो ।
यसैबिच बैठकले पार्टीका आगामी कार्यक्रम बनाउने जिम्मा पार्टी शीर्ष नेता(स्थायी कमिटी) लाई दिएको छ ।
पार्टीको पहिलो पूर्ण बैठकले पार्टीका आगामी कार्यक्रम र नेताहरूको जिम्मेवारी बाँडफाँट गर्ने जिम्मा शीर्ष नेतालाई दिएको पोलिटब्युरो सदस्य दिलु पन्तले जानकारी दिइन् । साथै बैठकले भ्रष्टाचार निवारण ऐनमा पाँच बर्से हदम्याद राख्ने सरकारी पक्षको तयारीविरुद्ध सशक्त आवाज उठाउने निर्णय गरेको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया