काठकाडाैँ । मोरङको रङेली नगरपालिका–२ चेका पुलमा स्कुल बसको ठक्करबाट एक जनाको ज्यान मृत्यु भएकाे छ । बसको ठक्करबाट साइकल यात्री धनपालथान गाउँपालिका–३ मायागन्जका ५५ वर्षीय जगन्नाथ ठाकुरको मृत्यु भएको हो । उनलाई विराटनगर–१० मा रहेको अरनिको आवासीय माध्यमिक विद्यालयको बसले ठक्कर दिएको हो ।
विद्यार्थी लिन गएको उक्त बसले ठाकुरलाई बिहान ९ः४५ बजेतिर बसले ठक्कर दिएको थियो । गम्भीर घाइते भएका उनलाई उपचारका लागि रङेली अस्पताल पुर्याउन साथ चिकित्सकले मृत घोषित गरेको मोरङ प्रहरीका प्रवक्ता डीएसपी ज्ञानेन्द्रबहादुर बस्नेतले जानकारी दिएका छन् ।
उनको शवलाई पोस्टमार्टमका लागि रङेली अस्पतालमै राखिएको छ। बस र चालक झापाको कन्काई नगरपालिका-१ का ५७ वर्षीय इन्द्रप्रसाद मिश्रलाई नियन्त्रणमा लिएर घटनाको अनुसन्धान सुरु गरिएको डीएसपी बस्नेतले जानकारी दिए । बसको तीव्र गति र चालकको लापरबाहीका कारण दुर्घटना भएको प्रहरीको प्रारम्भिक अनुसन्धानबाट खुलेको जनाइएको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया