अछाम । जिल्लाको बान्नीगढी जयगढ गाउँपालिकाको मुख्य बजार क्षेत्रमा भीषण आगलागी भएको छ। मंगलबार साँझ करिब सवा सात बजेबाट सुरु भएको आगलागी अझै नियन्त्रणमा आउन नसकेको जिल्ला प्रहरी कार्यालय अछामले जनाएको छ ।
आगो नियन्त्रणमा लिन मंगलसेन नगरपालिकाको दमकल, नेपाली सेना, प्रहरी र अन्य सुरक्षाकर्मीहरूको टोली खटिएको जिल्ला प्रहरी कार्यालय अछामका डिएसपी ईश्वरीप्रसाद भण्डारीले जानकारी दिए।
हालसम्म ९ वटा पसल पूर्णरूपमा जलेको स्थानीयवासीए बताएका छन् । अहिले स्थानीयबासी, सुरक्षाकर्मी र दमकल टोली मिलेर आगो नियन्त्रणको प्रयास जारी राखेका छन्।
अहिलेसम्म मानवीय क्षतिको विवरण प्राप्त भएको छैन। आगलागीको कारण भने खुल्न बाँकी रहेको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया