काठमाडौं । यही मंसिर १६ गते हुन लागेको स्थानीय तह उपनिर्वाचनमा दुई प्रतिपक्षी दल नेकपा माओवादी केन्द्र र नेकपा एकीकृत समाजवादीले तालमेल गरेका छन् ।
यी दुई दलले काठमाडौं जिल्लाका दुई स्थानीय तहमा तालमेलसहित आइतबार उम्मेदवारी दिएका हुन् ।
जसअनुसार कीर्तपुरको मेयरमा नेकपा माओवादी केन्द्रका उम्मेदवार प्रा.डा. शिवशरण महर्जनले एकीकृत समाजवादीको समर्थनमा उम्मेदवारी दिएका छन् ।
उता काठमाडौं महानगरपालिका-१६ मा एकीकृत समाजवादीका उम्मेदवार मीन मानन्धरलाई माओवादी केन्द्रले समर्थन गरेको छ । काठमाडौं १६ मा नेपाली कांग्रेसबाट विजयी मुकुन्द रिजालको निधनपछि उपनिर्वाचन हुन लागेको हो।
तालमेलबारे शनिबार साँझ माओवादी केन्द्रका अध्यक्ष पुष्पकमल दाहाल प्रचण्ड र एकीकृत समाजवादीका वरिष्ठ उपाध्यक्ष राजेन्द्र प्रसाद पाण्डेबीच सहमति भएको थियो ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया