काठमाडौँ । भक्तपुरमा शुक्रबार साँझ ट्र्याक्टर दुर्घटना हुँदा एक जनाको मृत्यु भएको छ भने पाँच जना घाइते भएका छन् । मृत्यु हुनेमा चाँगुनारायण नगरपालिका–५ निवासी ४५ वर्षीय हरि गोविन्द सुवाल रहेका छन् ।
जिल्ला प्रहरी कार्यालय भक्तपुरका प्रहरी नायब उपरीक्षक ढुण्डीराज नेउपानेका अनुसार चाँगुनारायणबाट डेकोचातर्फ आउँदै गरेको ना २ त ९३४० नम्बरको ट्र्याक्टर अनियन्त्रण भएर पल्टिएको हो ।
दुर्घटनामा गम्भीर घाइते भएका सुवाललाई थप उपचारका लागि भक्तपुर अस्पताल लगिएको थियो । त्यहाँबाट उनलाई अन्नपूर्ण न्युरो अस्पतालमा रिफर गरिएकोमा उपचारको क्रममा शुक्रबार राति निधन भएको थियो ।
ट्रयाक्टरमा सवार ४ जनाको भक्तपुर अस्पतालमा उपचारपछि डिस्चार्ज भएका छन् । डिस्चार्ज हुनेमा ३५ वर्षीया राधिका अवाल, ६० वर्षीय गोपाल कोजु, ४४ वर्षीय राधेश्याम सितिखु, ७४ वर्षीय पूर्णकेसी शिल्पकार रहेका छन् ।
दुर्घटनामा घाइते भएका ४८ वर्षीय गणेश सुवालको भने भक्तपुर अस्पतालमा उपचार भइरहेको छ । घटनाको सम्बन्धमा थप अनुसन्धान भइरहेको नायब उपरीक्षक नेउपानेले बताए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया