सिरहा । प्रधानमन्त्री एवं नेकपा (एमाले) अध्यक्ष केपी शर्मा ओलीले राजतन्त्र कुनै हालतमा फर्कन नसक्ने दाबी गरेका छन् । सिरहा बजारमा मंगलबार आयोजित एमालेको ११ औँ जिल्ला अधिवेशनको उद्घाटन समारोहलाई सम्बोधन गर्दै प्रधानमन्त्री ओलीले “राजतन्त्र फर्किन्छ भन्ने सपना अब तुहिसकेको बताए ।
“राजतन्त्र फर्किन्छ भन्ने सपना अब तुहिसकेको छ,” ओलीले भने, “एमाले र काँग्रेसले संविधानको रक्षा गर्दै जनतालाई समृद्धि र सुशासन दिनेछ।”
यस्तै उनले एमालेलाई कसैले हल्लाउन नसक्ने दाबी गरेका छन्। उनले एमाले देशको जरासम्म पुगिसकेको पार्टी भएकाले जनताको बलमा पार्टी अझ सशक्त बन्दै गएको हुन्।
एमाले देश र जनताको हितमा मात्र केन्द्रित रहेको बताए। “हाम्रो पार्टीलाई कसैले भित्तामा राख्छौँ, धुलो चटाउँछौँ भने पनि जनताको समर्थनले एमालेलाई हल्लाउन सकिँदैन,” उनले भने।
अधिवेशनमा गुटबन्दी नगरी परिपक्व र सर्वसम्मत नेतृत्व चयन गर्न आग्रह गर्दै अध्यक्ष ओलीले प्यानल बनाएर विरोधीलाई देखाउने संस्कृति आवश्यक नभएको बताए।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया