काठमाडौँ । आठौँ हिन्द महासागर सम्मेलन आजबाट ओमानको राजधानी मस्कटमा सुरु हुँदै छ । कार्यक्रममा सहभागी हुन परराष्ट्रमन्त्री डा आरजु राणा देउवा मस्कट पुगेकी छिन् । उनलाई भारतीय समकक्षी डा एस जयशंकर र ओमनका विदेशमन्त्री बद्र बिन हमाद अल बुसैदीले स्वागत गरेका छन् ।
राणा बुसैदीको निमन्त्रणामा गत शुक्रबार त्यसतर्फ प्रस्थान गरेकी थिइन् । भ्रमणका दौरान मन्त्री राणाले ‘विश्वको दक्षिणी भेगको आवाजलाई बुलन्द पार्ने’ सत्रलाई सम्बोधन गर्ने कार्यक्रम तय भएको छ ।
राणाले ओमानका विदेशमन्त्री र ऊर्जा तथा खनिजमन्त्रीसँग द्विपक्षीय भेटवार्ता गर्नेछिन्। यस अतिरिक्त आपसी सहयोगका क्षेत्रमा केही समझदारीपत्रमा हस्ताक्षर गर्ने परराष्ट्र मन्त्रालयले जनाएको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया