काठमाडौँ । इन्डियन प्रिमियर लिग (आईपीएल) क्रिकेटको १८औँ संस्करणमा आइतबार दोस्रो क्वालिफायर खेल खेल्दै छ । फाइनल प्रवेशको लक्ष्यसहित दोस्रो क्वालिफायरमा मुम्बई इन्डियन्स र पञ्जाब किङ्स आपसमा भिड्दै छन् ।
पञ्जाब र मुम्बईबिचको खेल विश्वकै सबैभन्दा बढी दर्शक क्षमता भएको अहमादाबादस्थित नरेन्द्र मोदी क्रिकेट स्टेडियममा नेपाली समय अनुसार, राति १९ः४५ बजे सुरु हुनेछ । यो खेलमा विजयी हुने टोलीले जुन ३ तारिखमा रोयल च्यालेन्जर्स बेंगलुरुसँग फाइनल खेल्नेछ ।
बेंगलुरु भने पहिलो क्वालिफायर खेलमा पञ्जाब किङ्सलाई हराउँदै फाइनलमा पुगेको हो । पहिलो क्वालिफायरमा बेंगलुरुसँग हारेपछि पञ्जाबले दोस्रो क्वालिफायर खेल्नु परेको हो । मुम्बई भने एलिमिनेटर भिडन्तमा गुजरात टाइटन्सलाई २० रनले हराउँदै दोस्रो क्वालिफायरमा पुगेको हो ।
मुम्बई र पञ्जाबले आईपीएलको इतिहासमा पहिलो पटक प्ले–अफ चरणमा आपसमा भिडन्त गर्न लागेका हुन् । यो सिजनको आईपीएलमा भने पञ्जाब र मुम्बई दोस्रो पटक आपसमा भिड्न लागेका हुन् । यसअघि खेलिएको खेलमा पञ्जाबले मुम्बईलाई सात विकेटले हराएको थियो ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया