काठमाडाैं। रुपन्देहीमा सुन तथा चाँदीका गरगहनासहित एक जनालाई प्रहरीले पक्राउ गरेको छ । रुपन्देहीको रोहिणी गाउँपालिकाबाट सुन तथा चाँदीका विभिन्न गरगहनासहित भारत महाराजगन्ज जिल्ला सनपतिया बस्ने ३५ वर्षीय उपेन्द्र सुनारलाई प्रहरीले पक्राउ गरेको हो ।
जिल्ला प्रहरी कार्यालय रुपन्देहीले रोहिणी गाउँपालिका ७ लट्ठाबाट ७ तोला १०.७ लाल तौलको सुनजस्तो देखिने पहेँलो धातुका विभिन्न गरगहना, ८ केजी ५ सय १ ग्राम चाँदी जस्तो देखिने धातुका विभिन्न गरगहना र ३४ ग्रामको पहेँलो धातुले बनेको २ थान छप्का तथा ६ थान कानको रिङसहित सुनारलाई पक्राउ गरिएको जनाएको छ ।
इलाका प्रहरी कार्यालय धकधई र प्रहरी चौकी मैनिहवाबाट खटिएको संयुक्त टोलीले युपी ५६ एडि ८०३६ नम्बरको मोटरसाइकलमा भारतबाट नेपालतर्फ आइरहेका सुनारलाई जाँच गर्ने क्रममा पक्राउ गरिएको प्रहरीले जनाएको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया